Surah Al Alaq Ayat 11-12 Translation Tafseer

Para 30 - عَمَّ

سورة العلق

Audio PDF

بِسْمِ اللّٰهِ الرَّحْمٰنِ الرَّحِیْمِ

96.11-12

اَرَءَیْتَ اِنْ كَانَ عَلَى الْهُدٰۤىۙ (11) اَوْ اَمَرَ بِالتَّقْوٰىﭤ(12)

Kanz ul Iman Kanz ul Irfan

کنزالعرفان

بھلا دیکھو تو اگر وہ ہدایت پر ہوتا۔ یا پرہیزگاری بتاتا تو کیا خوب تھا ۔

تفسیر : ‎صراط الجنان

{اَرَءَیْتَ اِنْ كَانَ عَلَى الْهُدٰى: بھلا دیکھو تو اگر وہ ہدایت پر ہوتا۔} اس آیت اور اس کے بعد والی آیت کاخلاصہ یہ ہے کہ اے حبیب ! صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ ،ذرادیکھو تو اگر نماز سے روکنے والا وہ کافر ہدایت پر ہوتا اور دوسروں کوپرہیزگاری کا حکم دیتا تووہ کتنے بلند مَراتب حاصل کرتا۔ (تفسیر کبیر، العلق، تحت الآیۃ: ۱۱-۱۲، ۱۱ / ۲۲۲)اگر ابو جہل ایمان قبول کر لیتا تو اسے یہ مراتب ملتے کہ وہ مومن ہوتا، پھر حضورِ اَقدس صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کے دیدارسے صحابی بن جاتا، حضور پُرنور صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کا عزیز ہو کر اللّٰہ تعالیٰ کا پیارا بن جاتا،بیتُ اللّٰہ شریف میں رہتا تھا اس لئے ایک نیکی کا ثواب ایک لاکھ پاتا، وہ قوم کا سردار تھا اوراس کی وجہ سے اس کے ماتحت لوگ بھی ایمان لے آتے تو ان سب کا ثواب بھی اسے ملتا ۔

سورہِ علق کی آیت نمبر11اور 12سے حاصل ہونے والی معلومات:

ان آیات سے 3 باتیں معلوم ہوئیں

(1)… گزشتہ لوگوں کی سر کشی میں غور کرنے سے بھی ہدایت نصیب ہوتی ہے۔

(2)… نبی کریم صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کے زمانہ والوں کو ایمان کے ذریعہ جو درجے نصیب ہو سکتے تھے وہ بعد والوں کے لئے ممکن نہیں ۔

(3)… بڑابد نصیب وہ ہے جسے اللّٰہ تعالیٰ اچھا موقع دے اور وہ اس سے فائدہ نہ اٹھائے۔