Surah Al Waqiah Ayat 65-66-67 Urdu Translation Tafseer

Para 27 - قَالَ فَمَا خَطْبُكُمْ

سورة الواقعة

Audio PDF

بِسْمِ اللّٰهِ الرَّحْمٰنِ الرَّحِیْمِ

56.65-66-67

لَوْ نَشَآءُ لَجَعَلْنٰهُ حُطَامًا فَظَلْتُمْ تَفَكَّهُوْنَ(65) اِنَّا لَمُغْرَمُوْنَۙ (66) بَلْ نَحْنُ مَحْرُوْمُوْنَ(67)

Kanz ul Iman Kanz ul Irfan

کنزالعرفان

اگر ہم چاہتے تو اسے چورا چورا گھاس کردیتے پھر تم باتیں بناتے رہ جاتے۔ کہ ہم پر تاوان پڑگیا ہے۔ بلکہ ہم بے نصیب رہے۔

تفسیر : ‎صراط الجنان

{ لَوْ نَشَآءُ لَجَعَلْنٰهُ حُطَامًا: اگر ہم چاہتے تو اسے چورا چورا گھاس کردیتے۔} اس آیت اور ا س کے بعد والی دو آیات کا خلاصہ یہ ہے کہ ہم اپنے لطف و رحمت سے ا س کھیتی کی نَشوونُما کرتے ہیں اور تم پر رحمت کرتے ہوئے اسے تمہارے لئے باقی رکھتے ہیں ورنہ اگر ہم چاہتے تو زمین میں جو بیج تم بوتے ہو اسے پوری طرح پھلنے پھولنے سے پہلے ہی چُورا چُورا کردیتے جو کسی کام کا نہ رہے،پھر تم حیرت زدہ اور نادم و غمگین ہو کر یہ باتیں بناتے رہ جاتے کہ ہمارا مال بیکار ضائع ہوگیا ،بلکہ ہم اپنے رزق سے محروم رہے۔ (ابن کثیر، الواقعۃ، تحت الآیۃ: ۶۵-۶۷، ۸ / ۲۸، خازن، الواقعۃ، تحت الآیۃ: ۶۵-۶۷، ۴ / ۲۲۱-۲۲۲، روح البیان، الواقعۃ، تحت الآیۃ: ۶۵-۶۷، ۹ / ۳۳۳، ملتقطاً)