Surah Fussilat Ayat 38 Translation Tafseer

Para 24 - فَمَنْ اَظْلَمُ

سورة حم السجدة

Audio PDF

بِسْمِ اللّٰهِ الرَّحْمٰنِ الرَّحِیْمِ

41.38

فَاِنِ اسْتَكْبَرُوْا فَالَّذِیْنَ عِنْدَ رَبِّكَ یُسَبِّحُوْنَ لَهٗ بِالَّیْلِ وَ النَّهَارِ وَ هُمْ لَا یَسْــٴَـمُوْنَ۩ (38)

Kanz ul Iman Kanz ul Irfan

کنزالعرفان

تو اگر یہ تکبر کریں تو وہ جو تمہارے رب کے پاس ہیں رات دن اس کی پاکی بولتے ہیں اور اُکتاتے نہیں ۔

تفسیر : ‎صراط الجنان

{فَاِنِ اسْتَكْبَرُوْا: تو اگر یہ تکبر کریں ۔} یعنی اگرکفاراللہ تعالیٰ کی وحدانیّت کے عظیم دلائل دیکھ لینے کے باوجود بھی غرور وتکبر کریں توپھربھی اللہ تعالیٰ کاکچھ نہیں بگاڑسکتے اور اِن کفار کے سورج اور چاند کی عبادت کرنے سے یہ نہیں ہوگا کہ اللہ تعالیٰ کی عبادت اور حمد و ثنا کرنے والے ختم ہوجائیں گے کیونکہ اللہ تعالیٰ کے پیداکردہ فرشتے دن رات اس کی پاکی بیان کرنے میں مصروف ہیں اوروہ پاکی بیان کرنے سے تھکتے بھی نہیں، لہٰذا اللہ تعالیٰ کی تسبیح و تقدیس کرنا لوگوں کیلئے باعث ِ شرف ہے ، نہ کہ خدا کو اس کا کوئی فائدہ ہے۔

نوٹ:یاد رہے کہ یہ آیت ِسجدہ ہے،اسے پڑھنے اور سننے والے پر سجدہِ تلاوت کرنا واجب ہے۔