Surah Saba Ayat 40-41 Translation Tafseer

Para 22 - وَ مَنْ یَّقْنُتْ

سورة سبا

Audio PDF

بِسْمِ اللّٰهِ الرَّحْمٰنِ الرَّحِیْمِ

34.40-41

وَ یَوْمَ یَحْشُرُهُمْ جَمِیْعًا ثُمَّ یَقُوْلُ لِلْمَلٰٓىٕكَةِ اَهٰۤؤُلَآءِ اِیَّاكُمْ كَانُوْا یَعْبُدُوْنَ(40) قَالُوْا سُبْحٰنَكَ اَنْتَ وَلِیُّنَا مِنْ دُوْنِهِمْۚ-بَلْ كَانُوْا یَعْبُدُوْنَ الْجِنَّۚ-اَكْثَرُهُمْ بِهِمْ مُّؤْمِنُوْنَ(41)

Kanz ul Iman Kanz ul Irfan

کنزالعرفان

اور جس دن ان سب کو اٹھائے گا پھر فرشتوں سے فرمائے گا کیا یہ تمہیں پوجتے تھے۔ وہ عرض کریں گے پاکی ہے تجھ کو تو ہمارا دوست ہے نہ وہ بلکہ وہ جِنّوں کو پوجتے تھے اُن میں اکثر انہیں پر یقین لائے تھے۔

تفسیر : ‎صراط الجنان

{وَ یَوْمَ یَحْشُرُهُمْ جَمِیْعًا: اور جس دن ان سب کو اٹھائے گا۔} اس آیت اور اس کے بعد والی آیت کا خلاصہ یہ ہے کہ جس دن اللہ تعالیٰ ان سب مشرکوں کو اٹھائے گا ، پھر فرشتوں سے فرمائے گا کہ: کیادنیا میں یہ تمہیں ہی پوجتے تھے؟ تو فرشتے اپنی براء ت کا اظہار کرتے ہوئے عرض کریں گے:اے اللہ!عَزَّوَجَلَّ، تو ا س سے پاک ہے کہ تیرے ساتھ کسی اور کی عبادت کی جائے، ہماری اُن سے کوئی دوستی نہیں بلکہ توہمارادوست ہے، تو ہم کس طرح ان کے پوجنے سے راضی ہوسکتے تھے !ہم اس سے بری ہیں ،وہ ہمیں نہیں بلکہ شَیاطین کو پوجتے تھے کیونکہ وہ اُن کی اطاعت کرتے ہوئے غیر ِخدا کو پوجتے تھے اوران کفار میں سے اکثر انہیں شَیاطین پر یقین رکھتے تھے۔(مدارک، سبأ، تحت الآیۃ: ۴۱، ص۹۶۶، خازن، سبأ، تحت الآیۃ: ۴۰-۴۱، ۳ / ۵۲۶، ملتقطاً)